VPS ZŠA dastavili na arbitu novyja kampaktnyja spadarožniki ŭ miežach misii ekśpierymientalnaha bieśpiłotnaha kasmapłana X-37B. Paviedamleńnie pra heta było apublikavana ŭ niadzielu na aficyjnym sajcie VPS.
«Paśpiachova pryziamliŭšysia siońnia, X-37B vykanaŭ samy praciahły na siońniašni dzień palot i paśpiachova daŭ rady ŭsim pastaŭlenym zadačam, — zajaviŭ pradstaŭnik VPS ZŠA Rendzi Uołden. — Siarod inšaha, byli praviedzieny ekśpierymienty ŭ daśledčaj łabaratoryi vajenna-pavietranych sił, a taksama była ažyćcioŭlena dastaŭka nievialikich spadarožnikaŭ».
Sakretnaja misija X-37B zaviaršyłasia praz 780 dzion znachodžańnia na kalaziamnoj arbicie. Papiaredni rekord kasmapłana — 718 dzion. Nastupny (šosty) zapusk hetaha bieśpiłotnaha aparata płanujecca na 2020 hod.
Karparacyja Boeing pačała stvareńnie X-37B ŭ 1999 hodzie pad ehidaj NASA i zrabiła pa mienšaj miery dva takija aparaty. U 2004 hodzie prahramu zasakrecili i pieradali VPS. Zhodna ź infarmacyjaj, pašyranaj Pientahonam, kasmapłan pryznačany dla funkcyjanavańnia na vyšyniach ad 200 da 750 km, zdolny chutka mianiać arbity i manieŭravać.
