U aŭtorak viečaram brytanskaja Pałata abščyn pieravažnaj bolšaściu hałasoŭ - 428 suprać 20 - prahałasavała za pastanovu ab daterminovych vybarach 12 śniežnia, piša bbc.com.
Premjer Borys Džonsan raźličvaje, što na hetych vybarach jaho Kansiervatyŭnaja partyja zavajuje bolšaść miescaŭ u Pałacie abščyn i jon tym samym atrymaje ad vybarščykaŭ mandat na praviadzieńnie svajoj palityki ŭ dačynieńni da Jeŭrasajuza: patavaja situacyja ŭ parłamiencie budzie pieraadolenaja, pahadnieńnie ab vychadzie zaćvierdžana, i Brytanija farmalna pakinie ES 31 studzienia.
Adnak ci ŭdasca jamu zdabyć upeŭnienuju pieramohu, pradkazać nichto nie biarecca.
Rejtynh Kanservatyŭnaj partyi vyšejšy za rejtynh hałoŭnaj apazicyjnaj siły, lejbarystaŭ, prykładna na 10%. Ale za čas pieradvybarnaj kampanii rejtynhi mohuć istotna źmianicca.
Padčas abmierkavańnia daterminovych vybaraŭ u aŭtorak Borys Džonsan navat adnaviŭ u partyi 10 z 21 tory-ciažkavahavikoŭ, vyhnanych ŭ pačatku vieraśnia za hałasavańnie suprać palityki ŭrada.
