31 kastryčnika ŭ 09:45 prezidencki Boeing 767 vylecieŭ z Nacyjanalnaha aeraporta i ŭziaŭ kurs na Abjadnanyja Arabskija Emiraty, piša kp.by.
Svoj čarhovy vizit u AAE Łukašenka anansavaŭ u sieradu, 30 kastryčnika:
«Chutkaja pajezdka na Blizki Uschod stanie dla mianie mahčymaściu na niekalki dzion adyści ad paŭsiadzionnaha žyćcia. Choć by try dni, mnie zaadno tam nohi abmaknuć u hety zaliŭ, — skazaŭ Alaksandr Łukašenka. — Adpačynak nie atrymajecca. U prezidenta niama namieśnikaŭ. Chaciełasia b pabyvać u adpačynku, jak usie. Paŭnavartasny adpačynak — choć by dva tydni. Ale heta ŭžo potym, u tym žyćci».
Vosieński vizit Alaksandra Łukašenki ŭ Emiraty ŭžo nazyvajuć tradycyjnym — prezident palacieŭ u AAE ŭžo ŭ siomy raz. Apošnija hady Łukašenka braŭ z saboj małodšaha syna Mikałaja. Kaho ŭziaŭ z saboj, pakul nie paviedamlajecca.
