"Jeŭrasajuz pakul nie pryniaŭ kančatkovaha rašeńnia ab uklučeńni Biełarusi ŭ prahramu "Uschodniaje partniorstva". Pra heta BiełaPAN paviedamiŭ Jan Śliva, pres-sakratar pastajannaha pradstaŭnictva Čechii, jakaja staršynstvuje ŭ ES.
Takim čynam jon asprečyŭ paviedamleńnie RIA Novosti ab tym, što 23 lutaha ŭ Brusieli ministry zamiežnych spraŭ ES pryniali rašeńnie ab členstvie Biełarusi va "Uschodnim partniorstvie".
"Rašeńnie budzie pryniata prykładna ŭ sakaviku", — paviedamiŭ Ja.Śliva.
U vynikovym dakumiencie ab pasiadžeńni kiraŭnikoŭ MZS krain ES, što prajšło 23 lutaha ŭ Brusieli, ukazvajecca, što ministry abmierkavali "padrychtoŭku da pryniaćcia" inicyjatyvy "Uschodniaje partniorstva". Čakajecca, što ŭ sakaviku novuju palityku ŭchvalać kiraŭniki ES. Ustanoŭčy samit "Uschodniaha partniorstva" projdzie 7 maja ŭ Prazie.
Da ŭdziełu ŭ prahramie "Uschodniaje partniorstva" zaprošanyja šeść postsavieckich krain — Azierbajdžan, Armienija, Biełaruś, Hruzija, Małdova i Ukraina. Udzieł Biełarusi pakul pad pytańniem.
0
0
0
0
0
0
