Fota z 2017 hoda
U Biełarusi adznačajuć Dzień Kastryčnickaj revalucyi (ci pieravarotu). Ludzi pa-roznamu aceńvajuć hety dzień.
Alaksandr Łukašenka nakiravaŭ z hetaj nahody vinšavańnie:
«Vosień 1917 hoda kardynalna źmianiła chod suśvietnaj historyi. Paznačyła pačatak novaj ery čałaviečaha raźvićcia, zasnavanaj na pryncypach sacyjalnaj roŭnaści, spraviadlivaści i humanizmu. Ideały revalucyi stali simvałam adradžeńnia mnohich narodaŭ śvietu, natchnili ich na baraćbu za svabodu i raŭnapraŭje», - havorycca ŭ vinšavańni.
Biełaruś — adzinaja kraina, što adznačaje hetu datu.
Rasija admoviłasia ad śviatkavańnia ŭ 2005 hodzie. Adznačajuć datu tolki ŭ niepryznanym Prydniastroŭi. 7 i 8 listapada — vychodnyja dni ŭ Kyrhyzstanie, ale tam inšaja nazva: Dni historyi i pamiaci prodkaŭ, u tym liku ŭ honar antyrasijskaha paŭstańnia ŭ 1916 hodzie.
U Biełarusi da 7 listapada adkryvajuć roznyja abjekty, zakančvajuć zbor uradžaju i h.d.
Što praŭda, bolšaść ludziej usprymajuć 7 listapada vyklučna jak dadatkovy vychodny. Prynamsi z 3 lipienia pa 25 śniežnia takich dadatkovych vychodnych u kalendary niama.