Fortune
Słoŭnik Kolinza anhlijskaj movy nazvaŭ climate strike («klimatyčnaja zabastoŭka») słovazłučeńniem hoda.
Viadoma, što ŭpieršyniu jano było vykarystana ŭ 2015 hodzie z-za pratestaŭ padčas kanfierencyi AAN pa pytańniach źmieny klimatu. U 2019 hodzie jano atrymała papularnaść z-za 16-hadovaj šviedskaj ekaaktyvistki Hrety Tunbierh. Dziaŭčynka ź sindromam Aśpierhiera ličycca adnym ź lidaraŭ suśvietnaha ekałahičnaha ruchu.
Hreta atrymała viadomaść paśla adzinočnaha pikietu pierad budynkam parłamienta ŭ Stakholmie ŭ 2018 hodzie. U vieraśni hetaha hoda Tunbierh vystupiła na samicie pa klimacie ŭ AAN, dzie adčytała palitykaŭ za razburalnyja nastupstvy ich rašeńniaŭ.
Adznačajecca, što ŭ šort-liście byli taksama słovy influencer (čałaviek, jaki ŭpłyvaje na inšych), deepfake (technałohija, jakaja zamianiaje tvary) i rewilding (adnaŭleńnie dzikaj pryrody).
Kolinz źjaŭlajecca najbujniejšym adnatomnym tłumačalnym słoŭnikam anhlijskaj movy. U im tłumačycca značeńnie bolš za 722 tysiačy słoŭ. Vydańnie składajecca z 2340 staronak i važyć 2,6 kiłahrama.