Mižnarodnaja fiederacyja žurnalistaŭ vykazała zakłapočanaść prymianieńniem zakona «Ab supraćdziejańni ekstremizmu» ŭ Biełarusi.
List, padpisany hienieralnym sakratarom MFŽ Ejdanam Uajtam, nakiravany na imia prezidenta Biełarusi, hienieralnaha prakurora i staršyni Kamiteta dziaržaŭnaj biaśpieki. Jon tyčycca spravy ab pryznańni ekstremisckimi materyjałaŭ, nadrukavanych u №№ 7—8 časopisa «ARCHE‑Pačatak». Nahadajem, što spravu, inicyjavanuju KDB, pačnie razhladać sud Maskoŭskaha rajona Bresta 25 lutaha.
«Praktyka, jakuju ŭžyvaje KDB, — heta vykarystańnie sudovaj sistemy dla błakavańnia i ŭcisku niezaležnaj žurnalistyki ŭ krainie, bo materyjały, abvieščanyja «ekstremisckimi«, padlahajuć źniščeńniu. Nasamreč, artykuły, pra jakija idzie havorka, tyčacca pytańniaŭ, cikavych dla hramadstva, — asabliva zaraz, kali ŭ Biełarusi nabližajucca vybary i praciahvajucca pieramovy ź Jeŭrapiejskim źviazam — abiedźvie hetyja temy byli zakranutyja ŭ kanfiskavanych numarach časopisa», — havorycca ŭ liście.
«MFŽ vykazvaje pratest suprać umiašalnictva dziaržavy ŭ svabodu presy i zaklikaje ŭłady spynić padobnuju praktyku.Treba pakinuć pytańni redakcyjnaj palityki miedyjaprafiesijanałam, a lubyja pytańni ŭ hetaj halinie najlepš vyrašajucca pry dapamozie miechanizmaŭ samarehulacyi haliny», — padsumoŭvaje svoj zvarot hienieralny sakratar MFŽ Ejdan Uajt.
Mižnarodnaja fiederacyja žurnalistaŭ — najbujniejšaje abjadnańnie žurnalistaŭ u śviecie. U jaje skład uvachodziać bolš za 600 tysiač čałaviek z 123 krain, u tym liku siabry HA «Biełaruskaja asacyjacyja žurnalistaŭ». HA «BAŽ» źjaŭlajecca asacyjavanym siabram MFŽ z 1997 hoda.
