«My padajem u adstaŭku, kab našy braty i siostry, dziaržsłužačyja, nie padviarhalisia napadkam i pahrozam», - skazaŭ jon u zvarocie, jaki ŭ niadzielu tranślavałasia ŭ sacsietkach, piša tass.ru.
Marales nazvaŭ situacyju, jakaja skłałasia, dziaržaŭnym pieravarotam. «Ciapier moj abaviazak jak prezidenta - znajści sposab supakoić situacyju», - padkreśliŭ Marales.
Paźniej na pres-kanfierencyi Marales paviedamiŭ, što nie pakinie Baliviju paśla taho, jak abviaściŭ ab svajoj adstaŭcy.
«U mianie niama pryčyn biehčy», - skazaŭ jon.
Eva Marales — pieršy indziejec, jaki staŭ prezidentam Balivii, a taksama były pradstaŭnik prafsajuza fiermieraŭ, što vyroščvajuć koku, — pryjšoŭ da ŭłady ŭ studzieni 2006 hoda.
U 2013-m Eva Marales naviedvaŭ Biełaruś.
20 kastryčnika u Balivii prajšli prezidenckija vybary, na jakich jon, pavodle aficyjnych źviestak, pieramoh u čaćvierty raz. Ale asnoŭny supiernik — eks-prezident Karłas Miesa — zajaviŭ, što nie pryznaje pieramohu Maralesa ŭ pieršym tury. Paśla abviaščeńnia vynikaŭ vybaraŭ u Balivii pačalisia pratesty i zabastoŭki. Apazicyjaniery zachapili redakcyi niekalkich dziaržaŭnych ŚMI.
Hałoŭnakamandujučy ŭzbrojenymi siłami krainy zajaviŭ u subotu, što vojska nie budzie ŭdzielničać u zdušeńni pratestaŭ suprać pieraabrańnia Eva Maralesa na novy termin.
