Alaksandr Łukašenka 11-12 listapada zrobić aficyjny vizit u Aŭstryju.
Płanujecca, što 12 listapada ŭ Vienie ŭ vuzkim i pašyranym składach projduć pierahavory z prezidentam Alaksandram Van der Bielenam, paviedamlaje pres-słužba.
Lidary krain abmiarkujuć pradaŭžeńnie handlova-ekanamičnaha, inviestycyjnaha i humanitarnaha supracoŭnictva, jakoje ŭžo znachodzicca na davoli vysokim uzroŭni. U centry ŭvahi buduć i palityčnyja pytańni: situacyja ŭ rehijonie i śviecie, uzajemadziejańnie Biełarusi ź Jeŭrasajuzam, u tym liku ŭ farmacie «Uschodniaha partniorstva», tematyka achovy navakolnaha asiarodździa.
Łukašenka praviadzie taksama pierahavory sa staršynioj Nacyjanalnaha savieta Aŭstryi Volfhanham Sabotkam, a ŭ farmacie rabočaj viačery sa staršynioj Aŭstryjskaj narodnaj partyi, deputatam Nacyjanalnaha savieta Aŭstryi Siebaśćianam Kurcam.
Adnačasova ź vizitam kiraŭnika dziaržavy ŭ Vienie budzie prachodzić aŭstryjska-biełaruski biznes-forum, u jakim prymuć udzieł dziełavyja koły dźviuch krain, uklučajučy pradstaŭnikoŭ bujnoha biźniesu.
