Na sustrečy z prezidentam Aŭstryi Alaksandr Łukašenka padkreśliŭ, što Biełaruś ščyra zacikaŭlena ŭ pahłybleńni supracoŭnictva z Aŭstryjaj va ŭsich śfierach uzajemnaha intaresu.
«Paviercie, ja viedaju roznyja tendencyi ŭ ES u płanie Biełarusi. Chaču skazać, spadar prezident, moža, nie siońnia, nie zaŭtra, ale paślazaŭtra dakładna vy budziecie hanarycca tym, što niekali pryjechali ŭ Biełaruś, pahladzieli na hetu krainu, pierakanalisia, što heta nie čužaja dla Jeŭropy kraina (vy ab hetym mnie havaryli, kali byli sa svajoj žonkaj) i skazali, što tut žyvuć dastojnyja ludzi. Vy nikoli nie paškadujecie ab hetym. Biełaruś - heta centr Jeŭropy, heta jeŭrapiejskaja kraina, i jaje palityka nakiravana na vyklučna mirnyja, družalubnyja, uzajemavyhadnyja adnosiny nie tolki z susiedziami, ale i z našymi daŭnimi, pravieranymi siabrami, jakoj źjaŭlajecca vaša cudoŭnaja i bahataja kraina», — reziumavaŭ Łukašenka.
