Z pačatku hoda prodažy novych aŭtamabilaŭ u Biełarusi skaracilisia praktyčna na čverć. Peŭnaje zacišša nazirajecca i na rynku patrymanych inšamarak.
U jakasci adnoj z asnoŭnych pryčyn hetaha ekśpierty nazyvajuć istotnaje padaražańnie kredytaŭ i niekatoryja ciažkasci z ich atrymańniem, bo vykłasci adrazu ŭsiu sumu za aŭto svaimi hrašyma pa‑raniejšamu mohuć nie mnohija. U studzieni «Źviazda» pravodziła peŭny manitorynh situacyi, što skłałasia z atrymańniem kredytaŭ na aŭto. Dniami bolš padrabiazny analiz pravioŭ partał infobank.bu
Adrazu kidajecca ŭ vočy, što ŭ paraŭnanni z minułym studzieniem da siaredziny lutaha adbyłosia peŭnaje znižeńnie pracentnych stavak. Praŭda, pa rublovych kredytach znižeńnie adbyłosia tolki ŭ BPS‑Banku i ŭsiaho na 1 pracent. Takim čynam staŭki ŭstalavalisia na ŭzroŭni 27‑28 pracentaŭ u rublach.
Akramia taho,
prapanoŭ pa rublovych kredytach na aŭtamabili zastałosia zusim nie šmat — litaralna ŭ dvuch bankach (Bielinviestbanku i BPS‑Banku).A voś pieralik finansavych ustanovaŭ, jakija dajuć kredyty ŭ valucie, pašyraŭsia. U baraćbu ŭklučylisia niekatoryja banki, jakija letaś naprykancy hoda pryspynili svaje kredytnyja prahramy.
Uzrovień stavak pa valutnych kredytach taksama krychu zniziŭsia — u siarednim da 16‑18 pracentaŭ.Pracentnaja viłka vyznačajecca terminam kredytu, zabieśpiačeńniem pa im i tym, novy ci patrymany aŭtamabil płanujecca nabyć.
Krychu skaracilisia terminy razhladu kredytnych zajavak — u siarednim składajuć ad troch da dvuch tydniaŭ.
Asobnyja banki pa‑raniejšamu hatovyja vas prakredytavać tolki ŭ tym vypadku, kali aŭto nabyvajecca ŭ aŭtasałonie. Adnak znajsci bank, jaki ŭ jakasci pradaŭca zadavolić fizičnaja asoba, taksama całkam realna. Ad uzrostu aŭto budzie zaležać i termin, na jaki bank hatovy vam pazyčyć hrošy, — 3‑7 hadoŭ. Maksimalny pracent kredytu ad koštu aŭto, jakoje płanujecca nabyć, składaje 80 pracentaŭ. Adnak, kali vašy prybytki buduć niedastatkova vialikimi, bank pahodzicca prakredytavać vas na 60‑70 pracentaŭ ad nieabchodnaj sumy.
Varta ŭličyć, što astatniuju častku koštu aŭtamabila — pieršapačatkovy ŭznos ułasnymi srodkami — klijent abaviazany vypłacić pradaŭcu da afarmleńnia kredytu. U vypadku kredytaŭ pad załoh aŭtamabila hetyja vypłaty pavialičvajucca na košt strachoŭki pa sistemie «poŭnaje Aŭtakaska» za pieršy hod. Afarmleńnie strachoŭki z apłataj za hod, a nie za kvartał, u absalutnaj bolšasci vypadkaŭ źjaŭlajecca abaviazkovaj umovaj kredytnych dahavoraŭ. Praŭda, strachoŭka moža afarmlacca nie na poŭny košt aŭto, a tolki na pamier kredytnaj častki.
Tak padrabiazna na strachoŭcy my spynilisia nievypadkova. Sutnaść u tym, što siaredniaja staŭka pry strachavanni aŭto składaje kala 5 pracentaŭ ich koštu. A heta zusim nie mała.
