Žurnalista Uładzimira Čudziancova aryštavali na dva miesiacy. Pra heta Tut.by paviedamiŭ jahony advakat Alaksandr Halijeŭ. Zaraz žurnalist znachodzicca ŭ statusie padazravanaha pa spravie ab sprobie kantrabandy marychuany praź miažu.
Na biełaruska-polskaj miažy pry dahladzie ŭ sumcy Uładzimira znajšli marychuanu. Sam žurnalist pa vynikach ahladu nie znachodziŭsia pad upłyvam narkatyčnych rečyvaŭ. 24 listapada prakuror vybraŭ dla Čudziancova mieru strymańnia — aryšt.
— Zaraz jon aryštavany na dva miesiacy. Jon zastaniecca pad vartaj, kali na praciahu tydnia jamu budzie vystaŭlena abvinavačvańnie, — skazaŭ advakat. — Kali abvinavačvańnie nie budzie pradjaŭlena ŭ hety termin, to Uładzimira pavinny adpuścić na volu.
Na momant publikacyi natatki Uładzimir znachodzicca ŭ izalatary časovaha ŭtrymańnia. 25 listapada jon budzie pieraviedzieny ŭ SIZA.
Pa słovach advakata, Uładzimir vinu nie pryznaje i ličyć, što narkotyki jamu padkinuli. Abvinavačvańniaŭ u adras kankretnych supracoŭnikaŭ jon pakul nie vystaŭlaje.
U MUS situacyju z zatrymańniem Uładzimira Čudziancova pakul što nie kamientujuć.
Nahadajem, Uładzimira Čudziancova mytniki źniali ź ciahnika na punkcie propusku «Brest — Ciarespal» uviečary 21 listapada. Žurnalist nakiroŭvaŭsia ŭ Varšavu. U sumcy ŭ jaho pry mytnym kantroli znajšli nieviadomaje rečyva. U hety ž dzień u žurnalista doma praviali pieratrus, dzie taksama vyjavili nieviadomaje rečyva.
