Punkt hramadskaha charčavańnia ŭ rajcentry niadoŭha ciešyŭ naviedvalnikaŭ abnoŭlenym interjeram. A ŭsio z-za 23-hadovaha viaskoŭca, paviedamlaje viciebskaja abłasnaja milicyja.
Małady čałaviek razam z trajuradnym bratam byŭ zaprošany na provady ŭ vojska svajho znajomaha. Kala dźviuch hadzin nočy hradus viesiałości dasiahnuŭ miažy, i pamiž svajakami pačałasia svarka.
Vyrašać kanflikt jany adpravilisia na hanak piciejnaj ustanovy. Tam łajanka skončyłasia tym, što adzin z udzielnikaŭ pryhraziŭ druhomu vyklikam milicyi. Takaja pierśpiektyva nie ŭzradavała maładoha čałavieka i jon zajšoŭsia ŭ novym prylivie lutaści. Spahaniać zło ŭdzielnik zastolla pačaŭ na kaviarni. Chulihan kułakom raźbiŭ akno, a paśla paškodziŭ ścianu, paviedamlaje UUS Viciebskaha abłvykankama.
U vyniku maładomu čałavieku ŭsio ž daviałosia pahutaryć ź milicyjanierami, a paśla — i sa śledčym. Ciapier u dačynieńni da jaho zaviedziena kryminalnaja sprava za chulihanstva.
