Uładzimir Pucin i Alaksandr Łukašenka sustrenucca 7 śniežnia ŭ Sočy dla abmierkavańnia pytańniaŭ dvuchbakovaha supracoŭnictva, u tym liku i pa hazavaj prablematycy, paviedamiŭ žurnalistam pres-sakratar prezidenta RF Dźmitryj Piaskoŭ, piša Interfax.by
Adkazvajučy na pytańnie žurnalistaŭ, jaki paradak dnia na najvyšejšym uzroŭni, Piaskoŭ skazaŭ: «Pytańni dvuchbakovych adnosin i, pierš za ŭsio, «darožnaj karty», raźvićcia sajuźnickich adnosin, Sajuznaj dziaržavy».
«Heta bujnyja inviestycyjnyja prajekty, jakija ŭ dvuchbakovym paradku dnia, heta i hazavyja spravy — uvieś kompleks dvuchbakovych adnosin», - adznačyŭ jon.
Na ŭdakładniajučaje pytańnie, ci možna hetuju sustreču nazvać vyrašalnaj u vybary šlachu intehracyi dźviuch krain, Piaskoŭ adkazaŭ: «Šlach intehracyi dźviuch krain daŭno byŭ vybrany, u nas jość adpaviedny dahavor pamiž dźviuma krainami, my idziem pastupalna pa šlachu raźvićcia našaj Sajuznaj dziaržavy»
