kremlin.ru
Intehracyju Rasii i Biełarusi treba zachavać i znajści «raźviazki» pa ŭsich prablemnych pytańniach, zajaviŭ siońnia premjer-ministr Rasii Dźmitryj Miadźviedzieŭ u intervju telekanałam, piša TASS.
«Nam treba zrabić usio, kab intehracyja zachavałasia. Jość składanyja temy, źviazanyja z enierhanośbitami, z cenami, kožnaja kraina choča damahčysia peŭnych ilhot i pieravah dla siabie, ale ja ŭpeŭnieny, što raźviazki tut možna znajści i na ŭzroŭni ŭrada, i na prezidenckim uzroŭni, kali heta spatrebicca», — skazaŭ jon.
Miadźviedzieŭ nahadaŭ, što lubaja intehracyja — heta častkovaje pamianšeńnie suvierenitetu, ale hetaha nie treba bajacca. «Lubaja intehracyja, nahadaju prostuju jurydyčnuju iścinu, — heta častkovaje pamianšeńnie suvierenitetu. My taksama svoj suvierenitet častkova źmienšyli, kali abjadnalisia ŭ Jeŭrazijski sajuz», — padkreśliŭ premjer-ministr.
Rasijski premjer taksama adznačyŭ, što ŭzrovień intehracyi pamiž Biełaruśsiu i Rasijaj vielmi vysoki, niahledziačy na emacyjny fon.
Nahadajem, što zaŭtra ŭ Sočy pavinna adbycca sustreča Dźmitryja Miadźviedzieva i Siarhieja Rumasa, a 7 śniežnia projdzie sustreča Aleksadra Łukašenki i Uładzimira Pucina.
