Alaksandr Łukašenka paprasiŭ Uładzimira Andrejčanku, jaki abrany deputatam Pałaty pradstaŭnikoŭ siomaha sklikańnia, dapamahčy arhanizavać pracu novaha składu nižniaj pałaty parłamienta. Ab hetym kiraŭnik dziaržavy skazaŭ siońnia na sustrečy, dzie prysutničaŭ i abrany ŭ Pałatu pradstaŭnikoŭ Valeryj Mickievič, jaki da ciapierašniaha času pracavaŭ na pasadzie namieśnika kiraŭnika Administracyi, pieradaje BIEŁTA.
«Parłamient sfarmiravany. Ale treba budzie vialikaja praca. Ja mienš, vy bolš heta viedajecie. Pa arhanizacyjnych pytańniach: ludzi pavinny mieć pracoŭnaje miesca, suviaź. Ludzi pavinny być prainfarmavanyja ab svaim pracoŭnym miescy ŭ Avalnaj zale, jak pracavać tam. Nu i šmat inšych pytańniaŭ», — skazaŭ Łukašenka.
Kiraŭnik dziaržavy adznačyŭ, što heta prava deputataŭ — vybirać staršyniu Pałaty pradstaŭnikoŭ i jaho namieśnika.
«Ale dumaju, što kali vy vykanajecie maje daručeńni zaraz, heta budzie vialiki plus u vaš deputacki partfiel», - padkreśliŭ biełaruski lidar.
