Jak paviedamlałasia, 31 śniežnia budzie pracoŭnym dniom. 2 studzienia raniej zrabili vychodnym, ale z adpracoŭkaj 4 studzienia. Pracoŭny dzień 6 studzienia (paniadziełak) pieraniesieny na 11 studzienia (subota).
Takim čynam, biełarusy buduć u navahodnija tydni pracavać/adpačyvać tak. 23 i 24 śniežnia (pracoŭnyja), 25 śniežnia (vychodny), 26 i 27 śniežnia (pracoŭnyja), 28 i 29 — vychodnyja, 30 i 31 śniežnia (pracoŭnyja). 1 i 2 studzienia — vychodnyja, 3 i 4 studzienia — pracoŭnyja, 5—7 studzienia (vychodnyja)
Ale razam z tym abmiarkoŭvajecca prapanova zrabić 2 studzienia vychodnym biez adpracoŭki ŭ subotu, 4 studzienia, piša Tut.by.
«Źjaviłasia infarmacyja, što 4 studzienia nie treba pracavać. 2 studzienia budzie paŭnavartasnym vychodnym. Jaho nie treba budzie adpracoŭvać», — skazała TUT.BY infarmavanaja krynica. Pavodle jaho słoŭ, «ułady pačuli zapyt z boku hramadstva, i paličyli varyjant z 2 studzienia samym aptymalnym».
Darečy, na dniach premjer-ministr Siarhiej Rumas paviedamiŭ, što ŭrad unios u Administracyju prezidenta prajekt ukaza z nahody vychodnaha 2 studzienia.
— Kali takoje rašeńnie budzie pryniata, to možna budzie ŭziać adhuł 3 studzienia i zładzić nievialikija navahodnija vakacyi. Usio roŭna mnohija našy klijenty ź Biełarusi (heta bujnyja dziaržzavody) i Rasii buduć adpačyvać, — skazaŭ pradstaŭnik pryvatnaj kampanii.
