Fota roddom.by.
«My šukajem pryčyny ŭskładnieńniaŭ — nievynošvańnia ciažarnaści, biaspłodnaści. I jaŭnaja suviaź z abortami prasočvajecca.
Biaspłodnaść druhasnaja na 40% abumoŭlena mienavita papiarednimi abortami. Kali my kažam pra nievynošvańnie ciažarnaści, to 100% heta ŭskładnieńni paśla abortaŭ.
Vykidyšy, zamirańnie ciažarnaści taksama hetym abumoŭleny», — patłumačyła takoje rašeńnie «Našaj Nivie» zahadčyca palikliniki centra Śviatłana Razina.
U centry nie buduć rabić aborty (instrumientalnyja i miedykamientoznyja) da 12 tydniaŭ pa žadańni žančyny. Kali ž da pieraryvańnia ciažarnaści jość miedycynskija pakazańni, to apieracyju praviaduć.
«Naša asnoŭnaja stratehija — zmahacca za kožnaje dzicia», — kaža Śviatłana Razina.
Jana dadaje: heta nie značyć, što žančyny vobłaści pazbaŭleny mahčymaści rabić abort.
Miedykamientozny abort moža pravieści lubaja inšaja žanočaja kansultacyja. Kali razmova pra instrumientalny abort, na bolš poźnich terminach, to jaho robiać u 4-j haradskoj kliničnaj balnicy Hrodna i miascovych CRB.