Rasijski telekanał Rośsija-1 pakazaŭ kamientar prezidenta Ukrainy Uładzimira Zialenskaha paśla sustrečy ŭ narmandskim farmacie 9 śniežnia ŭ Paryžy.
Kanał nazyvaje heta «pieršym paŭnavartasnym intervju rasijskim žurnalistam».
«Ja liču, što pravilny pačatak na takich sustrečach takoha farmatu, u nas jość mahčymaść dasiahnuć vyniku — kaniec vajny va Ukrainie, na terytoryi našaj krainy. Praz čatyry miesiacy budzie sustreča, tamu što šmat pytańniaŭ za adzin raz nie vyrašyć i sapraŭdy vielmi šmat roznych pohladaŭ, šmat roznych pytańniaŭ», — adznačyŭ prezident Ukrainy.
Miarkujučy pa frahmientach razmovy, jana ciahnułasia krychu bolš za chvilinu.
Raniej u Rasii paviedamili, što Zialenski daŭ pieršaje paŭnavartasnaje intervju rasijskim žurnalistam.
Paśla čaho Uładzimir Zialenski abvierh hetuju infarmacyju.
«Ja nie davaŭ intervju telekanału Rasija. U Paryžy paśla narmandskaj sustrečy dzieści ŭ 01:30 nočy byŭ pres-padychod. U kalidory žurnalistka ŭ mianie niešta spytała. Ja joj ničoha nie adkazaŭ. Było vielmi šmat žurnalistaŭ z roznych krain», — skazaŭ Zialenski.
