Na pres-kanfierencyi Uładzimira Pucina. Skrynšot.
Pra heta kiraŭnik Rasii Uładzimir Pucin zajaviŭ siońnia na pres-kanfierencyi ŭ Maskvie.
Biełaruś atrymlivaje haz pa samaj nizkaj siarod jeŭrapiejskich krain canie — $127 za tysiaču kubamietraŭ, skazaŭ Pucin.
Jon dadaŭ, što pamyłkova daciravać Biełaruś va ŭmovach niedavyrašanaści budaŭnictva Sajuznaj dziaržavy z RF.
«My dacirujem ceny na haz u niekatorych rehijonach, u tym liku heta tyčycca Smalenskaj vobłaści, jakaja miažuje ź Biełaruśsiu. Heta samy daciravany rehijon», — skazaŭ Pucin.
«I kali budziem daciravać jašče i ŭsio dla Biełarusi — heta dziŭna», — zaŭvažyŭ prezident.
Rasiejcy i biełarusy — amal adzin narod, ale zadačy pa stvareńni Sajuznaj dziaržavy nie byli vykananyja. «Ctvareńnie Sajuznaj dziaržavy było pravilnym rašeńniem, ale ŭ pieravažnaj bolšaści pastaŭlenyja zadačy nie realizavanyja», — skazaŭ prezident Rasii.
Patrebnyja supolnyja praviły i zakony pa padatkach, biudžetach, datacyjach, i patrebnyja supolnyja nadnacyjanalnyja kantrolnyja i emisijnyja orhany, ahulnyja antymanapolnyja praviły, miarkuje prezident Rasii. Dla prasoŭvańnia patrebna vola i žadańnie. U nas jany jość. Na što my možam vyjści, pakul niezrazumieła, adznačyŭ jon.