Niekalki aficeraŭ u razmovie z reparcioram «NN» adznačyli dziŭnuju zaviadzionku ŭ vojsku: maŭlaŭ, apošnija niekalki hadoŭ Ministerstva abarony abvieściła vajnu kanapam u pracoŭnych kabinietach — pry ich najaŭnaści praviarajučyja z Hałoŭnaj vajskovaj inśpiekcyjaj vynosiać pastanovy prybrać kanapy i śpisać ich.
Z hieahrafičnaj raznastajnaści krynic možna zrabić vysnovu, što hety praces zakranaje ŭsiu krainu.
Što adbyvajecca?
U pres-słužbie Minabarony admaŭlajuć, što isnuje niejkaja asobnaja pastanova adnosna kanapaŭ. Pry hetym sam fakt inšaskazalna paćviardžajuć.
«Mebla dla adpačynku, takaja jak kanapa, jość tolki ŭ pamiaškańniach, dzie vajennasłužačyja niasuć kruhłasutkavaje dziažurstva. A kabiniety — heta nie miescy, dzie niasiecca dziažurstva. Kali pryjom hramadzian viadzie adkaznaja asoba, to kanapa moža stajać, ale, naprykład, u kalidory, dzie mohuć čakać naviedniki», — patłumačyli «Našaj Nivie» ŭ pres-słužbie Minabarony.
