29-hadovy mužčyna raźmiaščaŭ infarmacyju ab realizacyi čyrvonaj ikry ŭ sacsietkach. Pakupnikam była navat prapanavana biaspłatnaja dastaŭka ŭ miežach Minska, pryčym mužčyna rabiŭ heta na «Leksusie», paviedamlaje staličnaja milicyja.
Milicyja zacikaviłasia pastaŭščykom i zatrymała jaho. Usiaho apieratyŭnikami kanfiskavana 2,5 kiłahrama čyrvonaj ikry na 350 rubloŭ. Mužčyna zajmaŭsia prodažam ikry bieź dziaržaŭnaj rehistracyi i śpiecyjalnaha dazvołu. Nijakich dakumientaŭ, jakija paćviardžajuć pachodžańnie i jakaść ikry, taksama nie było.
Dziejańni mužčyny kvalifikavanyja jak niezakonnaja pradprymalnickaja dziejnaść. A sankcyja hetaha artykuła praduhledžvaje pakarańnie da 100 bazavych (2550 rubloŭ) vieličyń z kanfiskacyjaj pradmietaŭ administracyjnaha pravaparušeńnia, pryład i srodkaŭ ździajśnieńnia administracyjnaha pravaparušeńnia, a taksama dachodu, atrymanaha ŭ vyniku takoj dziejnaści.
