Prezident Rasii Uładzimir Pucin znoŭ vielmi baluča adreahavaŭ na krytyku Jeŭraparłamienta pakta Mołatava-Rybientropa, zajaviŭšy, što zmova zachodnich dziaržaŭ z Adolfam Hitleram jašče raniej prakłała šlach da pačatku Druhoj suśvietnaj vajny.
Jon skazaŭ, što SSSR byŭ adnoj z apošnich krain, jakija padpisali pakt ab nienapadzie z Hiermanijaj, a da hetaha heta zrabili «ŭsie viadučyja krainy Jeŭropy».
Jon pryznaŭ, što pakt Mołatava — Rybientropa źmiaščaŭ tak zvany sakretny dahavor ab padziele śfier upłyvu, ale abvinavaciŭ krainy Zachadu ŭ tym, što jany jašče raniej ustupali ŭ zmovu z Hitleram.
«A čym zajmalisia jeŭrapiejskija krainy da hetaha? Roŭna tym ža samym! Usie zrabili toje ž samaje, pačynajučy z 1938 hoda. Kali Hitler pradjaviŭ svaje pretenzii na častku Čechasłavakii, Vialikabrytanija i Francyja zdali svajho chaŭruśnika, choć u ich z Francyjaj była damova ab uzajemadapamozie, i dali Hitleru mahčymaść zachapić častku Čechasłavakii», — skazaŭ Pucin.
Taksama Uładzimir Pucin zajaviŭ, što Iosif Stalin «nie zaplamiŭ» siabie pramymi znosinami i sustrečami z Adolfam Hitleram. Pavodle jaho słoŭ, lidary najbujniejšych jeŭrapiejskich dziaržaŭ heta zrabili.
