Biełaruś pabuduje na mahistralnym naftapravodzie «Družba» punkt kantrolu jakaści nafty z RF, paviedamiŭ pieršy namieśnik hienieralnaha dyrektara — hałoŭny inžynier AAT «Homieltransnafta Družba» Andrej Viaryha, jakoha cytuje karparatyŭnaje vydańnie «Naftavaja mahistral», piša BiełTA.
«Kancern «Biełnaftachim» padtrymaŭ našu prapanovu ab budaŭnictvie na biełaruskim učastku mahistralnaha naftapravoda «Družba» sistem vymiareńnia kolkaści i pakazčykaŭ jakaści nafty. Na praciahu nastupnaha hoda budzie realizavany pieršy etap prajekta pa ŭstanoŭcy SVKN na pryjomie nafty z Rasijskaj Fiederacyi, heta 106-y km trasy naftapravoda «Unieča — Mazyr», - raspavioŭ Andrej Viaryha.
Toje, što dadzienaje rašeńnie budzie pryniata da kanca 2019 hoda, raniej anansavaŭ namieśnik staršyni kancerna «Biełnaftachim» Uładzimir Sizoŭ. Abjom inviestycyj nie ahučvaŭsia.
