Prach 43-hadovaha ŭradženca Baranavič Andreja Žuka, jaki słužyŭ u francuzskim Zamiežnym lehijonie i zahinuŭ u kancy listapada padčas vajennaj apieracyi ŭ Afrycy, pachavajuć 28 śniežnia na mohiłkach Rusino, piša Intex-press.
Andrej Žuk zahinuŭ u Afrycy, paśmiarotna ŭdastojeny najvyšejšaj uznaharody Francyi. Fota: Ministerstva abarony Francyi.
43-hadovy Andrej Žuk naradziŭsia i vyras u Baranavičach, ale apošnija 11 hadoŭ słužyŭ u francuzskim Zamiežnym lehijonie. U kancy listapada hetaha hoda ŭ Mali sutyknulisia dva vajennyja viertaloty, u adnym ź jakich lacieŭ i Andrej Žuk. Usie 13 vajskoŭcaŭ zahinuli, jany paśmiarotna stali Hierojami Francyi.
Cieła Andreja Žuka kremiravali. Jaho baćki amal miesiac čakali, kali prach ich syna dastaviać na radzimu, kab raźvitacca ź im i pachavać.
27 śniežnia urnu z pracham Andreja Žuka dastavili ŭ Baranavičy, paviedamiła Intex-press Zoja Piatroŭna, maci zahinułaha. Cyrymonija raźvitańnia projdzie ŭ vuzkim siamiejnym kole. Pachavajuć Andreja Žuka dniom 28 śniežnia na mohiłkach Rusino.
