Alaksandr Łukašenka 30 śniežnia padpisaŭ ukaz №492, jaki spraščaje niekatoryja administracyjnyja pracedury, piša BiełTA.
Tak, admianiajecca nieabchodnaść afarmleńnia tałona da vadzicielskaha paśviedčańnia i siertyfikata ab prachodžańni dziaržaŭnaha techahladu transpartnych srodkaŭ, rehłamientujecca pracedura vydačy mižnarodnaha vadzicielskaha paśviedčańnia.
Skaračajucca terminy vykanańnia pracedur, źviazanych z pastanoŭkaj na ŭlik majučych patrebu ŭ palapšeńni žyllovych umoŭ, a taksama vyznačajecca biesterminovy čas dziejańnia rašeńnia ab pryznańni žyłoha pamiaškańnia nieadpaviednym ustanoŭlenym sanitarnym i techničnym patrabavańniam (ciapier jon składaje šeść miesiacaŭ).
Ukaz spraščaje paradak pastanoŭki hramadzian na konsulski ŭlik, praduhledžvajecca admova ad spahnańnia płaty za rehistracyju inšaziemcaŭ, jakija časova znachodziacca ŭ Biełarusi, u vypadku zvarotu za takoj rehistracyjaj praz adziny partał elektronnych pasłuh.
Zamacoŭvajecca pravamiernaść pradstaŭleńnia kopii pašparta zamiest aryhinała pry zvarocie ŭ padatkovyja orhany za ažyćciaŭleńniem šeraha administracyjnych pracedur. Heta daść mahčymaść hramadzianam padavać zajavy ŭ elektronnym i piśmovym vyhladzie biez asabistaha naviedvańnia padatkovych orhanaŭ.
U metach zachavańnia tajny ŭsynaŭleńnia zamiest kopii rašeńnia suda ab usynaŭleńni možna budzie pradstavić vypisku z takoha dakumienta.
Akramia taho, uvodziacca novyja administracyjnyja pracedury, nieabchodnyja dla realizacyi hramadzianami svaich pravoŭ, vyklučajucca pracedury, što stracili svaju aktualnaść, naprykład, pa vydačy rašeńniaŭ ab pryvatyzacyi žyłych pamiaškańniaŭ.
