Doma ŭ kiraŭnika pravaabarončaha centra «Pravavaja dapamoha nasielnictvu» Aleha Vołčaka adbyvajecca pieratrus. Jak raskazaŭ Vołčak «Našaj Nivie», heta ŭžo druhi pieratrus za sutki: pieršy raz da jaho pryjšli siońnia a 2-j hadzinie nočy, pabudziŭšy. Druhi idzie prosta zaraz. U toj čas, jak pravaabaronca razmaŭlaŭ z karespandentkaj NN, śledčyja pracavali na bałkonie.
Ź jurydyčnaha punktu hledžańnia, kaža Vołčak, pracesualnyja dziejańni adbyvajucca biez parušeńniaŭ. Śledčyja pakazali jamu ŭsie nieabchodnyja dakumienty. Jany ničoha nie zabirajuć, ale «załaziać va ŭsie ščyliny», šukajučy ślady kryvi.
Pieratrusy iduć u ramkach rasśledavańnia spravy ab znojdzienaj u Śvisłačy sumcy z pareštkami žančyny. Pravaachoŭniki «adpracoŭvajuć» znajomych tych žančyn, što źnikli za apošni čas. Z adnoj z takich, kaža Vołčak, na rajonie bačyli jaho brata. Brat nie žyvie ź im u adnoj kvatery, ale kvatera naležyć im abodvum.
