Sud u śniežni zabaraniŭ palityku 18 miesiacaŭ zajmać dziaržaŭnyja pasady z-za simvoliki sieparatystaŭ. Ciapier vybarkam Ispanii pazbaviŭ jaho mandata, piša DW.
Vybarčaja kamisija Ispanii ŭ piatnicu, 3 studzienia rasparadziłasia pazbavić mandata kiraŭnika ŭrada Katałonii Žaakima Toru. Vybarkam ahučyŭ svaju pazicyju praz dva tydni paśla rašeńnia suda ŭ Barsiełonie, u adpaviednaści ź jakim 57-hadovamu palityku zabaroniena zajmać dziaržaŭnyja pasady na praciahu 18 miesiacaŭ. Sud taksama aštrafavaŭ Toru na 30 tysiač jeŭra za nievykanańnie patrabavańniaŭ vybarčaj kamisii.
Vybarkam niezadoŭha da krasavickich parłamienckich vybaraŭ zapatrabavaŭ źniać simvoliku prychilnikaŭ niezaležnaści Katałonii z budynku, u jakich raźmiaščajecca ŭrad aŭtanomnaj ispanskaj supolnaści. Adnak Tora dvojčy praihnaravaŭ krajnija terminy dla źniaćcia simvoliki.
