Fota ź Vikipiedyi
Lidar vieniesuelskaj apazicyi Chuan Huajdo znoŭ prynios prysiahu ŭ jakaści śpikiera Nacyjanalnaj asamblei, paviedamlaje telekanał France 24 sa spasyłkaj na AFP. Pavodle ahienctva, u ramkach cyrymonii, jakaja adbyłasia ŭ budynku parłamienta, Huajdo zajaviŭ, što zastupaje na pasadu kiraŭnika Nacyjanalnaj asamblei na novy termin, piša RBK
Napiaredadni, 6 studzienia, śpikieram Nacyjanalnaj asamblei byŭ abvieščany Łuis Para, raniej vyklučany sa składu apazicyjnaj partyi «Za spraviadlivaść».
Prychilniki Huajdo nie pryznali pieravybrańnia.
Palityčny kryzis u Vieniesuele pačaŭsia ŭ studzieni 2019 hoda, kali Huajdo abviaściŭ siabie časovym prezidentam krainy. Jaho padtrymali ZŠA i šerah łacinaamierykanskich krain. Adnak namahańni sajuźnikaŭ nie pryviali da źmieny ŭłady ŭ Balivaryjanskaj Respublicy. Na bok prezidenta Vieniesueły Nikałasa Madura ŭstali Rasija, Kitaj, Turcyja i šerah inšych krain.
