Uviečary 7 studzienia ŭ słuckuju milicyju pastupiŭ zvanok: miascovy žychar pahražaŭ, što skončyć žyćcio samahubstvam.
Adbyvałasia ŭsio u dvary pryvatnaha doma ŭ vioscy Małoje Žurava. Kali pryjechała milicyja, mužčyna ŭžo ździejśniŭ streł sabie ŭ hałavu z traŭmatyčnaha pistaleta, ale byŭ žyvy, paviedamlaje «Słuck Horad».
Dvuchhadzinnyja ŭhavory milicyi i svajakoŭ nie dapamahli, i mužčyna streliŭ sabie ŭ hałavu ŭ druhi raz. Jon staŭ śmiarotnym.
Mužčynu zvali Juryj Kryvadubski. Jamu było 55 hadoŭ.
«Naša Niva» pahavaryła z mamaj Juryja.
«6 studzienia jon byŭ doma, usio było narmalna… Ale ŭviečary biez daj pryčyny pačaŭ biehać pa chacie, hladzieŭ ŭ vokny. Paśla apranuŭsia aby-jak, kudyści syšoŭ, — raspaviała žančyna. —
Dzie jon byŭ, ja nie viedaju. Ale ŭdzień viarnuŭsia. Zajšoŭ u chatu, zabraŭ toj pistalet, vyjšaŭ na dvor. Streliŭ u siabie. Ja chacieła padyści, zabrać pistalet — jon nie daŭsia. Pierabieh u dvor da susiedziaŭ. Tam užo pryjechała milicyja, svajaki paźbiahalisia, usie ŭhavorvali jaho.
A jon prystaviŭ pistalet da hałavy, chadziŭ, kryčaŭ «Vy ŭsie zdradniki!», «Vy chočacie, kab ja chutčej taho, dyk ja sam i zrablu ŭsio», — niešta takoje kryčaŭ.
A paśla i streliŭ u siabie druhi raz. Pavaliŭsia. Byŭ spačatku žyvy jašče. Advieźli ŭ balnicu, ale jon skanaŭ u reanimacyi».
Mama Juryja zapeŭnivaje, što syn nie byŭ pjany. Pa jaje słovach, ałkahol jon uvohule nie ŭžyvaŭ. Ci zdaryŭsia ŭ syna niejki kanflikt sa svajakami, ci, moža, žančynaj, maci taksama nie ŭ kursie.
«Prosta nibyta durnota niejkaja ŭ hałavu zajšła — i ŭsio», — narakaje jana.
