U Ivacevickim rajonie atrymała rozhałas zabojstva badziažnych sabak u vioscy Lubiščycy nieviadomym žyvadzioram. Hety fakt staŭ publičnym, bo na paviešanych na drevach z asablivaj žorstkaściu sabak natrapili dzieci. Jany sfatahrafavali sabak i vykinuli ŭ sacsietki, kaža hramadski aktyvist ź Ivacevičaŭ Pavieł Dajlid, paviedamlaje Radyjo Racyja.
Pavodle abaroncy žyvioł Jaŭhienii, viaskovych žycharoŭ heta nie ździviła. Bo taki mietad zabojstva niepatrebnych sabak dla ich zvykły:
— Prychodziła žančyna da mianie na pracu ź Lubiščyc. Ja ŭ jaje pytałasia: vy viedajecie? Jana kazała, što viedajuć, usie ŭ kursie. U vioscy ŭ ich va ŭsich tak pryniata viešać sabak. Kaža, što ŭ ich tak usie robiać, to bok dla ich heta norma.
Pavodle Paŭła Dajlida, zabojstva sabak — heta nie takaja redkaja sprava, ale kryminalnaja sprava zavodziłasia tolki ŭ 2018 hodzie. Kali mužčyna zabiŭ nažom susiedskuju sabaku. Spravaj zabojstva sabak zaniaŭsia Śledčy kamitet Ivacevickaha rajona.
