Fota Siarhieja Hudzilina
Eks-deputat biełaruskaha parłamienta Hanna Kanapackaja znajšła novuju pracu — jana budzie pradstaŭnikom pa krainach uschodniaj Jeŭropy ŭ mižnarodnaj inviestycyjna-technałahičnaj kampanii z hałaŭnym ofisam u Aŭstryi, piša Tut.by
U kampanii, jakaja zajmajecca enierhietykaj, Kanapackaja budzie pracavać pa śpiecyjalnaści — adkazvać za jurydyčnyja pytańni. Akramia aficyjnaj pracy, eks-deputat, jak i kazała raniej, płanuje zajmacca palitykaj.
- Ja zastajusia ŭ palitycy, kab realizavać prajekty pa refarmavańni ekanomiki i prasoŭvańni zakonaprajektaŭ, jakija, jak ja liču, dapamohuć našaj krainie. Palityka — heta nie chobi, heta vialiki i surjozny płast pracy, na jaki sychodzić šmat času. Ja ŭdziačnaja premjer-ministru, ministerstvam i viedamstvam, jakija zastajucca sa mnoj na suviazi i razumiejuć nieabchodnaść reformaŭ u našaj krainie, — raspaviała Kanapackaja.
