Śviatkavańni Purymu na vulicy Ben-Jehudy ŭ Jerusalimie
Siońnia judei adznačajuć viasiołaje śviata-karnavał Purym: naviedvajuć sinahohi ŭ maskaradnych kaściumach, študujuć historyju cudoŭnaha vyratavańnia pa skrutku Ester («Kniha Ester» u Biblii) i brazhočuć laskotkami, hańbujučy staražytnaha niezyčliŭca habrejskaha narodu Amana. U hety dzień tradycyja zaachvočvaje spažyvać trochkutnyja bułački z makam i napicca tak, kab nie adroźnić Dabra ad Licha.
U Izraili na Purym — skaročany pracoŭny dzień. A tamu ŭ kalidoraŭ jerusalimskich i tel-aviŭskich ofisaŭ šarahovamu izrailcu siońnia mohuć patrapicca dzivosnyja, nie zaŭždy ćviarozyja istoty, jak to pinhviny ci statui Svabody, abo Supiermeny ci indziejcy, jakija pry nabližeńni mohuć vyjavicca jahonym bosam.