Zdareńnie adbyłosia 12 studzienia ŭ Mazyry. U milicyju źviarnuŭsia miascovy žychar: u šmatpaviarchovym domie pa bulvary Junactva ŭ jaho skrali dva hornyja rovary «Stełs». Jon raspavioŭ, što rovary źnikli z abaronienaha tambura, jaki haspadary zabylisia začynić. Dy i rovary jany nikoli nie pryšpilvali, paviedamlaje abłasnaja milicyja.
Supracoŭniki kryminalnaha vyšuku adrazu ž vyvučyli zapisy z kamier videanazirańnia, ŭnutry i zvonku padjezda. Stała zrazumieła, što rovary vykacili paśla 23-ch hadzinaŭ 12 studzienia dvoje maładych ludziej. Jany prajšli za žycharami doma, kali tyja zachodzili ŭ padjezd, prytrymali dźviery, abstalavanyja damafonam. Prakraścisia ŭnutr im nie skłała prablem.
Supracoŭniki Inśpiekcyi pa spravach niepaŭnaletnich pa videa apaznali adnaho z vykradalnikaŭ. 16-hadovy chłopiec pražyvaŭ niedaloka ad hetaha doma i traplaŭ u pole zroku inśpiektaraŭ. Baćki patłumačyć, dzie ich syn, nie zmahli. Sam ža chłopiec paśla zvanka ŭčastkovaha svajo miescaznachodžańnie nie nazvaŭ, ale abiacaŭ, pa mahčymaści, u rajadździeł milicyi prybyć.
Čakać hetaha nie stali. U toj ža dzień milicyjanty zatrymali padletka i jaho 16-hadovaha siabra na Prymastavoj płoščy rajonnaha centra. Maładyja ludzi katalisia na tych samych rovarach.
Ź ich tłumačeńniaŭ stała zrazumieła, što da hetaha jany paśpieli abśledavać jašče niekalki padjezdaŭ u inšych damach, ale realizavać zadumanaje ŭdałosia tolki ŭ hetym.