Premjer-ministr Łatvii Kryšjanis Karyńš siońnia paśla sustrečy z Alaksandram Łukašenkam padaryŭ jamu chakiejny švedar łatvijskaj zbornaj. Na biełym džersi vyšyty pieršy numar i proźvišča kiraŭnika dziaržavy, piša BiełTA.
Fota Puł pieršaha
Łukašenka ŭ svaju čarhu padaryŭ premjer-ministru Łatvii statuetku adnaho ź simvałaŭ Biełarusi — zubra.
Chakiejny švedar zbornaj Łatvii Kryšjanis Karyńš pryvioz nie prosta tak: u 2021 hodzie Minsk i Ryha praviaduć čempijanat śvietu pa chakiei. Jaho praviadzieńnie abmiarkoŭvałasia ŭ liku inšych tem na pieramovach u Pałacy Niezaležnaści.
Pavodle słoŭ premjer-ministra, z łatvijskaha boku ŭ płanie padrychtoŭki da čempijanatu usio idzie pa płanie. «My vielmi rady mahčymaści pravodzić u nastupnym hodzie čempijanat pa chakiei razam z vami, — padkreśliŭ jon. — I što asabliva pryjemna: biełaruskaja i łatvijskaja kamanda ŭ roznych dyvizijonach, tamu, moža, u kancy čempijanatu my sustreniemsia ŭ Minsku».
Foto Puł piervoho
«Nie daj boh!» — žartam adreahavaŭ Alaksandr Łukašenka. Jon rastłumačyŭ, što łatvijcy apošnim časam prynieśli biełarusam šmat niepryjemnaściaŭ na lodzie, tamu ŭ Minsku hetaj sustrečy buduć bajacca.
