Rusłan pamior ranicaj 19 studzienia, paviedamiŭ u svaim fejsbuku Jaŭhien Kałmykoŭ.
Rusłan Uładyka, viadomy pad mianuškaj «Pan», byŭ u liku zasnavalnikaŭ hurtu «Lapis Trubiacki» i niaspynna vystupaŭ z hurtom da raspadu taho ŭ 2014 hodzie. Paśla rospusku «Lapisaŭ» staŭ hrać u prajekcie Trubetskoy z Paŭłam Bułatnikavym i Alaksandram Staražukom.
Ad 6 červienia 2019 hoda Rusłan znachodziŭsia ŭ komie.
U toj viečar jon išoŭ ad siastry. Pobač z domam u Dražni, zajšoŭ u bar, prabyŭ tam niejki čas, vyjšaŭ. Na videa z kamier nazirańnia było bačna, jak da Rusłana padyšoŭ čałaviek, jaki da hetaha siadzieŭ za susiednim stolikam pobač z tryma siabrami.
Nieŭzabavie Uładyku dastavili ŭ reanimacyju. Sa słoŭ siastry Uładyki, pry sabie Rusłan mieŭ barsietku, u jakoj byli hrošy, bankaŭskija kartki, mabilny telefon. U reanimacyju muzyku dastavili biez asabistych rečaŭ.
Pa fakcie atrymańnia Rusłanam Uładykam cialesnych paškodžańniaŭ Partyzanski RASK h. Minska zavioŭ kryminalnuju spravu.
