Prezident Ukrainy Uładzimir Zialenski sustreŭ samalot, jaki dastaviŭ na radzimu cieły zahinułych u katastrofie avijałajniera nad Iranam. Tranślacyju ŭ Facebook viadzie telekanał «Hromadśkie».
Kiraŭnik dziaržavy prybyŭ u aeraport Baryspal ŭ Kijevie ŭ niadzielu. U mierapryjemstvie taksama biaruć udzieł premjer krainy Alaksiej Hančaruk, śpikier Viarchoŭnaj Rady Dźmitryj Razumkoŭ, hienprakuror Rusłan Rabašapka, kiraŭnika SBU i MZS Ivan Bakanaŭ i Arsien Avakaŭ, kiraŭnictva «Mižnarodnych avijalinij Ukrainy» (MAU) i inšyja aficyjnyja asoby.
Na apublikavanych kadrach vidać, jak vajskoŭcy pad huki žałobnaj miełodyi vynieśli z samalota truny ź ciełami achviar. Na ŭźlotnaj pałasie pobač ź dziaržaŭnym ściaham Ukrainy ustanoŭleny ściahi krain, čyje hramadzianie taksama zahinuli padčas avijakatastrofy ŭkrainskaha samalota - u pryvatnaści, Irana, Kanady, Šviecyi, Vialikabrytanii.
U avijakampanii dadali, što raźvitańnie z ukrainskimi hramadzianami projdzie ŭ terminale B z 12:00 da 19:00 pa miascovym časie.
Boeing 737-800 avijakampanii MAU paciarpieŭ krušeńnie, vylecieŭšy z aeraporta Tehierana rana ranicaj 8 studzienia. Zahinuli 176 čałaviek, u tym liku 11 hramadzian Ukrainy. 11 studzienia Iran pryznaŭ, što pa pamyłcy źbiŭ samalot.
