21-hadovaja Hanna Ilnickaja viarnułasia z Kitaja 20 studzienia. Užo praz paru dzion jana trapiła ŭ Minskuju infiekcyjnuju balnicu. Jak kažuć jaje znajomyja, simptomy padobnyja da taho samaha karonavirusa.
Fota sa staronki Hanny Ilnickaj Ukantakcie.
Šum padniaŭ jaje chłopiec Arman Karakiešyšan. Jon adzin z tych, chto taksama trapiŭ u naviny, tolki ŭ rasijskija. Daktary padazravali, što ŭ Armana karonavirus, ale ŭsio abyšłosia — prosta reśpiratornaja virusnaja infiekcyja.
Hanna Ilnickaja — uradženka Minska, ale vučyłasia ŭ Rasii, u Pieciarburhu. Ciapier jana ŭ akademičnym adpačynku. Niadaŭna Hanna naviedvała Kitaj, praviała tam try miesiacy razam sa svaim bojfrendam, raspavioŭ jaje brat.
Jak raspaviała «Našaj Nivie» mama dziaŭčyny, 20 studzienia Hanna viarnułasia ŭ Biełaruś. 22 studzienia joj stała błaha, padniałasia tempieratura, vyklikali chutkuju.
Pakul dakładny dyjahnaz dziaŭčynie nie pastavili, ale svajaki aburanyja dziejańniami biełaruskich miedykaŭ.
«Jaje chacieli pakłaści ŭ ahulnuju pałatu. Da ranicy nie ŭziali analizy, akramia kryvi. A ŭžo siońnia prosiać paviedamić u ŚMI, što heta hryp B, — raskazaŭ «Našaj Nivie» brat Hanny. — Uražvaje padychod biełarusaŭ. U Rasii jaje chłopca zabirali z aeraporta ŭ kaściumach chimabarony. A ŭ Minsku Hannu z takimi ž simptomami chočuć pakłaści ŭ pałatu da inšych pacyjentaŭ».
Mama dziaŭčyny raspaviała, što jaje dačku ŭsio ž pieraviali ŭ asobnuju pałatu. Bolš padrabiaznaj infarmacyi pra stan dački žančyna pakul nie maje.
Šerah ŚMI ŭžo źviarnuŭsia ŭ Minzdaroŭja, ale tam pakul situacyju nie kamientujuć.
Ci zaraziłasia dziaŭčyna novym virusam, ci heta zvyčajny hryp, stanie viadoma pa vynikach analizaŭ. Śmiarotnaść ad novaha karonavirusa davoli vysokaja, latalny vynik charakterny pieravažna dla chvorych, starejšych za 65 hadoŭ.
Minzdaroŭja: U dziaŭčyny, što viarnułasia z Kitaja i była špitalizavana ŭ infiekcyjnuju balnicu, hryp B
Biełaruskija pahraničniki: Nadziavajem maski pry praviercy rejsaŭ z Kitaja
Kitajskija vajskoŭcy błakavali horad Uchań u suviazi z novym virusam
Biełaruska va Uchani: Troje sutak nie vychodžu z doma
Kitaj začyniŭ druhi horad z-za karanavirusa
Ministr zdaroŭja: Biełaruskija miedyki majuć reaktyvy dla vyjaŭleńnia novaha štamu karanavirusa
