2 karacieńki pra knihu Piatra Vasiučenki “Ad Tekstu da Chranatopa”
1.Bieletrystyka chilicca ŭ bok eseistyki, a litaraturaznaŭstva ŭ svaju čarhu pačało drejf u bok bieletrystyki. Paśla Hienadzia Kisialova, adkryvalnika imieni aŭtara «Tarasa na Parnasie», navuka pra litaraturu pieratvaryłasia ŭ histaryčny detektyŭ. Paśla Hieorhija Kołasa, aŭtara hruntoŭnych daśledzinaŭ «Karani mifaŭ» pra tvorčaść i žyćcio Janki Kupały, — u psichałahičny trymcieńnik. Novaja kniha «Ad Tekstu da chranatopa» - praciah zaviadzionki detektyŭnaha litaraturaznaŭstva. Abo litaraturaznaŭčaha detektyvu.
Chto vy, Piatro Vasiučenka? Navukoŭca, da(śledčy)k, naziralnik, abo ŭsio ž litaratar, (su)udzielnik, što ciahaje achviary na ałtar vyšktałtanaj i lutaj bahini, Litaratury?
2. Piatro Vasiučenka vyrazaje biełaruskich kłasikaŭ sa zvykłaha, kašula dy kumač, adradženskaha i savieckaha atačeńnia dy źmiaščaje ich postaci ŭ suśvietny kantekst. I niejak tak raniej nie dumałasia, što aŭtar misteryi «Łabirynty» Vacłaŭ Łastoŭski žyŭ u adzin čas z aŭtaram jašče adnaho mientalnaha padarožža Džejmsam Džojsam, žyviŭsia ź im adnym kulturnym pavietram, a kłasik biełaruskaj paezii Maksim Bahdanovič siabravaŭ ( prynamsi duchoŭna) z paetami-simvalistami, u dadatak pišučy pad zmročnym upłyvam «praklataha paeta» Pola Vierlena.
Piatro Vasiučenka. Ad tekstu da chranatopa. Minsk: «Halijafy», 2009, 195s., 300 as.
