Fota Dźmitryja Bruško
Bajavuju mašynu RSZA «Flejta» na bazie bronieaŭtamabila «Asiłak» SHTS i ruchomy punkt kiravańnia na bazie bronieaŭtamabila «Asiłak» ARS-6 prezientavali siońnia ŭ Minsku padčas kalehii Dziaržkamvajenprama, piša BiełTA.
«Flejta» kamplektujecca aŭtamatyzavanaj sistemaj kiravańnia «Aljans», a taksama bartavym navihacyjnym kompleksam. Dziakujučy hetamu pavialičvajecca dakładnaść stralby reaktyŭnaj ŭstanoŭki i źjaŭlajecca mahčymaść zadziejničać jaje ŭ składzie źviana pad kiraŭnictvam adzinaha centra ŭpraŭleńnia. Razhortvańnie na miascovaści — nie bolš za 60 siekund. Čas padrychtoŭki da załpu zajmaje da 30 siekund.
Fota Dźmitryja Bruško
Puskavaja ŭstanoŭka pryznačanaja dla stralby niekiravanymi snaradami S-8, jakija ŭžyvajucca ŭ avijacyi. Dalokaść stralby — da 5 km. U pierśpiektyvie jana moža być pavialičanaja.
RSZA pryznačanaja dla padaŭleńnia žyvoj siły i ahniavych srodkaŭ. Bojeprypasy vielmi šyrokija: ad askiepkava-fuhasnych da zapalnych. «Flejta» pryznačanaja dla niepasrednaj ahniavoj padtrymki padraździaleńniaŭ suchaputnych vojskaŭ, sił śpiecyjalnych apieracyj. Łafiet ustanoŭki ŭklučaje 80 napraŭlajučych.
Pracu nad «Flejtaj» płanujecca zaviaršyć u hetym hodzie.
