Mužčynu asudzili na 7 hadoŭ i 8 miesiacaŭ kałonii ŭzmocnienaha režymu. Taksama jon musić spłacić paciarpiełaj 10 tysiač rubloŭ za maralnuju škodu, piša Mahiloŭ Anłajn.
Para była ŭ razvodzie, ale žyli razam. Mužčyna vypivaŭ, skandaliŭ, žančyna źviartałasia ŭ milicyju. Mužčyna navat adsiadzieŭ try miesiacy za pahrozy zabić byłuju žonku. Ale ž ad trahiedyi heta nie vyratavała: adnojčy nočču mužčyna abliŭ jaje siernaj kisłatoj, pakul taja spała. Žančyna vyžyła, ale atrymała apioki.
Svoj učynak mužčyna patłumačyŭ tym, što pačućci da byłoj žonki ŭ jaho całkam nie prajšli. Jaho razdražniała toje, što sam jon apuściŭsia, a žančyna zaŭsiody vyhladała dahledžanaj, na hetaj hlebie ŭ jaho ŭźnikła pačućcio reŭnaści. Kisłatu mahiloviec, pa jaho słovach, kupiŭ 15 hadoŭ tamu: taksičnaje rečyva svabodna pradavałasia ŭ kramach aŭtamabilnych zapčastak razam z akumulatarami.
