Piłot iranskaha samalota avijakampanii «Asieman Ejrłajnz» zaŭvažyŭ papadańnie rakiety va ŭkrainski samalot Boeing 737-800 i raspavioŭ pra heta dyśpietčaru. Rasšyfroŭku razmovy apublikavaŭ sajt TSN.
Havorka idzie pra pamyłkova źbity Iranam 8 studzienia samalot. U hety ž momant inšy iranski samalot raspačynaŭ pasadku.
«Pa maršrucie ŭspyški — jak ad rakiety. Niešta takoje tam pavinna być?» — pytajecca piłot, jaki zaŭvažyŭ momant katastrofy.
Dyśpietčar u adkaz udakładniaje, dzie adbyłasia ŭspyška i ci nie lacić rakieta ŭ bok Tehierana. Piłot u svaju čarhu śćviardžaje, što rakieta ŭźlacieła z boku horada. Na heta dyśpietčar adkazaŭ jamu, što na ziamli taksama nie razumiejuć, dzie krynica ŭspyški, i vykazaŭ nadzieju, što prablem dla samalota być nie pavinna.
