A.Hryharaŭ zaznačyŭ, što B.Štanhie — pradstaŭnik krainy z vyšejšym uzroŭniem arhanizacyi spartyŭnaj haliny i padrychtoŭki śpiecyjalistaŭ.
«Ludzi patrabujuć adkazu: kali ž budzie vynik, kali buduć miedali čempijanatu Jeŭropy, kali my zdolejem vyjści na čempijanat śvietu?»— skazaŭ ministr.
«Viadoma, hledačy žadajuć, kab my pieramahali Anhliju, — zaznačyŭ B.Štanhie. — Paśla pieršaha tajma hulni lik byŭ 1:1, ale zatym adyhrali rolu vopyt vystupleńnia ŭ Lizie čempijonaŭ i hihancki patencyjał anhlijskich futbalistaŭ, i my sastupili».
«U futbole možna ździŭlać, ale pakul my pajšli nie tak daloka, kab supraćstajać hetamu patencyjału. Nam treba iści krok za krokam. Dumaju, my na pravilnym šlachu.
Lepš za ŭsio da pośpiechu padniacca na lifcie, adrazu na dziesiaty pavierch. Ale my idziem pa leśvicy, i heta kryšku daŭžej, spadar ministr»,— skazaŭ B.Štanhie, jakomu ŭ dzień kanfierencyi spoŭniŭsia 61 hod.
Pavodle mierkavańnia treniera, u novym siezonie biełaruski futboł pavinien pierasiahnuć vyniki, pakazanyja ŭ 2008 hodzie. «Heta značyć, što niedastatkova hulać uničyju z Turcyjaj, Arhiencinaj, Hiermanijaj, «Zienitam», «Juvientusam». My pavinny pieramahać. Heta naša ciažkaja zadača. I jašče my žadajem znoŭ źbirać poŭny stadyjon u Minsku», — zajaviŭ B.Štanhie.
Zadaču vychadu ŭ finalnuju častku čempijanatu śvietu‑2010 jon nazvaŭ ciažkaj.«U najbližejšych dvuch matčach z Kazachstanam i Andoraj my pavinny brać šeść ačkoŭ, kab atrymać dobruju zychodnuju pazicyju dla hulniaŭ z Charvatyjaj, Anhlijaj i Ukrainaj», — zaznačyŭ trenier.
Klučom da pośpiechu biełaruskaha futboła jon ličyć pavyšeńnie kvalifikacyi miascovych śpiecyjalistaŭ. «Štohod našy treniery vyjazdžajuć na mižnarodnyja stažyroŭki. UEFA i FIFA dapamahajuć atrymlivać nam novyja viedy. Hetyja viedy my pavinny danieści da kožnaha horada, da kožnaha treniera pieršaj, druhoj lihaŭ, dziciačych trenieraŭ. My žadajem hulać u sučasny, pryvabny futboł», — zajaviŭ B.Štanhie.
Trenier zbornaj zaklikaŭ prysutnych być aptymistami. «U futbole zaŭsiody jość paražeńni abo pahroza finansavaha kryzisu, ale nam patrebien aptymizm dla pracy ŭ luboj śfiery. Heta mocnaja kraina, vy atrymlivajecie dobruju padtrymku ad urada, UEFA, FIFA, i niehatyŭnyja naviny nie pavinny vybivać nas z kalainy», — pierakanany B.Štanhie.
