4 lutaha na stancyi mietro «Mahiloŭskaja» ŭ 22:11 novy ciahnik «Štadler» pryniaŭ pieršych pasažyraŭ. Jon dvojčy prajechaŭ da stancyi «Kamiennaja Horka» i nazad. Kali adbudziecca čarhovaja pajezdka — nieviadoma.
Płaŭny chod i adsutnaść šumu — prykmietnyja pieravahi novaha ciahnika. Pasažyry mohuć pierachodzić z vahona ŭ vahon padčas ruchu, a taksama zaradžać svaje hadžety praz USB.
U ciahniku čatyry vahony, padobnyja buduć jeździć na treciaj linii padziemki, kali jana adkryjecca. A voś na starych linijach buduć kursiravać piacivahonnyja «Štadlery».
Novy ciahnik užo vypraboŭvali ŭ mietro i raniej, adnak heta adbyvałasia biez pasažyraŭ — zamiest ich byli miaški ź piaskom. A 4 lutaha prakacicca na novych «Štadlerach» mahli zvyčajnyja ludzi, jakija karystajucca pasłuhami mietrapalitena.
Nad dźviaryma — śviatłodyjodnyja navihacyjnyja tabło. Pobač z nazvaj stancyi, da jakoj ruchajecca ciahnik, mihaje čyrvonaja kropka. Pakazana, praź jakija stancyi možna pierajści na inšuju liniju.
U novych ciahnikach jość kandycyjaniery, a taksama śpiecyjalnyja miescy dla pasažyraŭ ź invalidnaściu.
