U 6-j haradskoj kliničnaj balnicy prachodziać vučeńni pa akazańni miedycynskaj dapamohi pacyjentam z karanavirusam, pieradaje «Minsk-naviny».
Pavodle lehiendy, dziaŭčyna źviarnułasia ŭ 6-ju kliniku samastojna. Jana niadaŭna viarnułasia z Kitaja ź simptomami reśpiratornaj virusnaj infiekcyi. Situacyja nieardynarnaja. Nadzieŭšy achoŭnuju ekipiroŭku, śpiecyjalisty ŭzialisia za pravierku. Pacyjentku praviali ŭ asobny pakoj, klinična ahledzieli. Zapadozryŭšy zusim niadobraje — karanavirus, miedyki paviedamili pra heta ŭ kamitet pa achovie zdaroŭja Minharvykankama. Adnačasova apaviaścili słužbu 103 i infiekcyjnuju kliniku. Paśla pryjezdu chutkaj pacyjentku źmiaščajuć u pieranosny boks i viazuć u infiekcyjnuju balnicu.
Tam zrobiać łabaratornyja analizy na karanavirus, vyniki jakich buduć hatovyja maksimum praz 6 hadzin. A pakul što dziaŭčyna budzie znachodzicca ŭ boksie.
