Fota Siarhieja Hudzilina
Pra heta Radyjo Svaboda paviedamiŭ aficyjny pradstaŭnik Kamiteta dziaržaŭnaj biaśpieki Andrej Jaraš.
Infarmacyja pra mahčymaje zatrymańnie byłoha ministra ŭnutranych spraŭ Ihara Šunieviča ŭ suviazi z tak zvanaj «cukrovaj spravaj» źjaviłasia ŭ kancy minułaha tydnia. Roznyja krynicy paviedamlali jak pra mahčymaje zatrymańnie Šunieviča, tak i pra źmiaščeńnie jaho pad chatni aryšt. Ranicaj paniadziełka 10 lutaha situacyju Svabodzie prakamientavali ŭ KDB.
«Ihar Šunievič nie źjaŭlajecca fihurantam nivodnaj kryminalnaj spravy, jakaja na hety momant znachodzicca ŭ pracy śledčaha ŭpraŭleńnia Kamiteta dziaržaŭnaj biaśpieki», — skazaŭ aficyjny pradstaŭnik KDB Andrej Jaraš.
Raniej infarmacyju pra mahčymyje zatrymańnie Ihara Šunieviča nie zmahli paćvierdzić u MUS i Śledčym kamitecie.
Što viadoma pra «zatrymańnie» Ihara Šunieviča?
