Abstalavańnie dla achovy miažy biełaruskim pamiežnikam pieradali pradstaŭniki Minenierha ZŠA, paviedamlaje telekanał STB. Aficyjnaja cyrymonija prajšła na ŭčastku pasta «Naroŭla» u radyjacyjna-ekałahičnym zapaviedniku.
Heta mabilnyja sistemy vyjaŭleńnia i radyjacyjnaha kantrolu. Akramia taho, amierykanski bok pravodzić techničnaje absłuhoŭvańnie pastaŭlenaha abstalavańnia i navučaje pamiežnikaŭ.
Dapamohu akazali ŭ ramkach Miemaranduma ab uzajemarazumieńni pamiž dvuma viedamstvami. Biełaruś i ZŠA supracoŭničajuć u pytańniach praduchileńnia niezakonnaha abarotu jadziernych i inšych radyjeaktyŭnych materyjałaŭ.
«Dziakujučy dadzienaj prahramie my atrymali srodki kantrolu, jakija pracujuć aŭtanomna. Abstalavańnie dazvolić nam nazirać za terytoryjaj, kantralavać jaje i ŭ vypadku nieabchodnaści reahavać na abstanoŭku, jakaja ŭźnikaje na dadzienaj terytoryi. Z upeŭnienaściu možna skazać, što heta tolki pačatkovy etap vialikaj prahramy pa ŭdaskanaleńni achovy dziaržaŭnaj miažy z dapamohaj našych amierykanskich kalehaŭ», — kaža pieršy namieśnik staršyni Dziaržaŭnaha pahraničnaha kamiteta Ihar Butkievič.
Pahraničny post «Naroŭla» — pieršaje padraździaleńnie «zialonaj» miažy, madernizavanaje ŭ ramkach prajekta. Post abstalavany sistemaj dystancyjnaha manitorynhu, admysłovymi aŭtamabilami, ciepłavizar, binoklami i inšym abstalavańniem radyjacyjnaha kantrolu.
