Viečaram na aŭtadarozie la ahraharadka Muchaviec Bresckaha rajona znojdzieny aŭtamabil z prykmietami, charakternymi dla DTZ, paviedamlaje abłasnaja milicyja.
Na miesca zdareńnia nieadkładna byŭ nakiravany ekipaž DAI UUS. Sapraŭdy, u kiuviecie na 2 km aŭtadarohi Muchaviec-Vulka Zastaŭskaja byŭ «Falksvahien Pasat» ź miechaničnymi paškodžańniami. Pobač znachodziŭsia mužčyna, jaki rastłumačyŭ, što źjaŭlajecca pasažyram, a kiroŭca ŭciok u nieviadomym nakirunku.
U chodzie razboru supracoŭniki DAI ŭstalavali ŭładalnika transpartnaha srodku. Žychar abłasnoha centra za niekalki hadzin da taho addaŭ mašynu ŭ adnu z ramontnych aŭtamajsterań horada.
Chutka syščyki ŭstalavali i zatrymali fihuranta. Im akazaŭsia niepracujučy i raniej sudzimy 40-hadovy žychar Bresta, jaki, vidać, i vyrašyŭ pakatacca na čužym aŭto.
