Mužčynu ŭdałosia ŭciačy ad adnaviaskoŭca, jaki nanios jamu niekalki ŭdaraŭ nažom, adnak miedyki nie zmahli jaho vyratavać, paviedamlaje Śledčy kamitet.
Kanflikt pamiž žycharami vioski Horka Salihorskaha rajona adbyŭsia 17 lutaha niedaloka ad miascovaj fiermy. Padčas svarki 38-hadovy mužčyna nanios niekalki ŭdaraŭ nažom svajmu 35-hadovamu znajomamu. U stanie šoku paciarpieły zmoh uciačy ad napadnika i schavacca na fiermie, dzie jamu vyklikali bryhadu chutkaj miedycynskaj dapamohi. Adnak miedykam nie ŭdałosia reanimavać mužčynu, jon pamior ad atrymanych ran.
Viaskoviec, jaki nanios śmiarotnyja ranieńni, źbieh ź miesca złačynstva, ale nieŭzabavie jaho zatrymali. Z saboj u jaho byŭ toj samy nož, jakim jon udaryŭ zahinułaha. Suprać zatrymanaha raspačali kryminalnuju spravu.
