U listach, jakija administracyja tut.by razasłała svaim klijentam, paviedamlajecca, što pošta nieŭzabavie pačnie pierachodzić na novuju płatformu. Hetaja sistema atrymana ad karparacyi Google i pavinna zabiaśpiečyć lepšuju abaronu ad niepažadanaj rekłamy, pracu ź vialikimi fajłami, bolšyja mahčymaści pošuku i sarciroŭki listoŭ. Taki pryncyp pracy vykarystoŭvajecca ŭ huhłaŭskaj pošty Gmail.
Pierachod budzie ažyćciaŭlacca na praciahu 2009 hodu. Pryčym užo zaraz možna padać zajaŭku, kab peŭny elektronny adras byŭ pieraviedzieny na płatforumu ad Google u pieršuju čarhu. Heta nie značycca, što klijenty atrymajuć @gmail.com zamiest @tut.by. Niedaśviedčanyja karystalniki mohuć navat nie zaŭvažyć, što ich paštovaja skrynia pierajechała na novuju płatformu.
Pakul što pošta na tut.by maje bolš za miljon skryniaŭ i našmat apiaredžvaje inšych pradstaŭnikoŭ biełaruskaha rynku, takich jak mail.by. Novaŭviadzieńnie – sproba utrymać svaju dolu na biełaruskim rynku i nie prajhrać suśvietnym karparycyjam kštałtu taho ž gmail.com ci rasijskim mail.ru i yandex.ru.
